Koi Mujhko Mera bharpoor saraapa la dey
Mere baazoo Meri aankhen Mera chehra la dey
Aisa dariya jo kisi aur Samandar mai girey
Is se behter hai k Mujh ko Mera sehra la dey
Kuch nahi chahiye Tujh se Meri ae umr-e-rawan
Mera bachpan Mere jugnoo Meri guria la dey
Jiski aankhen Mujhe ander se bhi parh sakti hon
Koi chehra to Mere sheher mai aisa la dey
Kishti-e-jaan to bhanwar mai hai kai barson se
Ae Khuda ab to dubo dey ya kinara la dey.
No comments:
Post a Comment