Dekha tujh ko to pyaar ki chaahat si ho gai
ham ko har lamha khush rehne ki aadat si ho gai
pukaara hai tujh ko har morr par zindagi ke
tujh ko paane ki aarzoo mein shiddat si ho gai
teri aaankhoon mein vo nasha hai ke kya kahoon
bin piye behak jaane ki aadat si ho gai
rehte the har lamha udaas har pal bechain ham
aane se tere hamain musarrat si ho gai
teri mann-mohni si soorat khuda ka karishma hai
na dekh paaon gar jisse to qayaamat si ho gai
tumhaare paikar ko dekhta hoon chaudhvin raaton mein
haseen rukh-e-roshan chaand ki soorat si ho gai
soocha na tha kabhi ishq bhi karoon ga
ab mohabbat se mujhe bari mohabbat si ho gai.
No comments:
Post a Comment