Sad Poetry, Sad Urdu Poetry, Sadest Urdu Poetry, Sad Urdu Ghazal, Urdu Ghazal, Urdu Poetry,

Lagta Nahin He Ji Mera Ujare Dayar Me

Kiski Bani He Alam-E-Na-Payedar Me

Bulbul Ko Pasban Se Na Saiyyad Se Gila

Qismet Men Qaid Likhi Tthi Fasl-E-Bahar Men

Keh Do In Hassreton Se Kahin Aur Ja Basen

Itni Jageh Kahan He Dil-E-Daghdar Me

Ik Shakh-E-Gul Pe Baith Ke Bulbul He Shadman

Kante Bicha Diye He Dil-E-Lalazar Me

Umr-E-Daraz Mang Ke Laye Tthe Char Din

Do Arzu Men Kat Gaye Do Intezar Men

Din Zindagi Ke Khatm Hue Sham Ho Gayi

P'haila Ke Paon Soyen-Ge Kunj-E-Mazaar Me

Kitna He Bad-Naseeb Zafar Dafn Ke Liye

Do Gaz Zamin Bhi Na Mili Ku-E-Yaar Me.