Wo ishq jo hum say rooth gaya ab us ka haal sunaein kia
Koi mehar nahi koi qehar nahi phir sachcha shair sunaein kia
Aik hijr jo humko lahaq hai tadair usay duhraein kia
Wo zehar jo dil mein utar gaya phir us ke naaz uthain kia
Phir aankhain lahoo say khali hain yeh shumain bujhnay wali hai
Hum khud bhi kisee kay sawali hain is baat pay ab sharmaein kia
Ek aag gham-e-tanhai ki jo saray badan mein phail gai
Jub jism hi sara jalta ho phir daman-e-dil ko bachaien kia
Hum naghma sara kuch ghazloon kay hum soorat gar kuch khuwaboon kay
Be jazba-e-shoq sunaein kia jub khuwab na ho tu bataein kia.
No comments:
Post a Comment