Latest Poetry, Urdu Poetry, Sad Poetry, Mohabbat Poetry,

Mere Ho K Rahooo

Apni khatir jagay ho soye ho
Apni khatir hansay ho roye ho
Kis liye aj khoye khoye ho
Tum ne ansu bohat piye apne
Tum bohat saal reh liye apne

Ab mere sirf mere ho k raho
Husn hi husn ho zahanat ho
Ishq hoon mein to tum mohabbat ho
Tum meri bas meri amanat ho
Jee liye' jis qadar jiye apne
Tum bohat saal reh liye apne
Ab mere sirf mere ho k raho

Rehte ho ranj-o-gham k gheron mein
Dukh k asaib k baseron mein
Tum ko de doonga sab diye apne
Tum bohat saal reh liye apne
Ab mere sirf mere ho k raho

Tum Azal se dukhoon k dairay ho
Chahy khudko ghamon se gheray ho
Jabse paida huay ho mere ho
Aj kholeinge lab siye apne
Ab mere sirf mere ho k raho

Dil ki har baat dil se kehne do
Meri baahon mein khudko behne do
Mudatteon zakhm khud sahay apne
Tum Bohat saal reh liye apne
Ab mere sirf mere ho k raho.