Musafir ke raste badalte rahe, Urdu Best Poetry, Urdu Ghazal, Urdu Poetry,

Musafir ke raste badalte rahe

Muqaddar mein chalna tha chalte rahe

koi phool sa haath kaandhe par tha

Mere paoon sholo par chalte rahe

Mere raaste mein ujala raha

Diye uski aankhon ke jalte rahe

Woh kya tha jise humne thukra diya

Magar umar bhar haath malte rahe

Mohabbat,adaawat,wafa,berukhi

kiraye k ghar the badalte rahe

Suna hai unhe bhi hawa lag gayi

Hawaoon ke jo rukh badalte rahe

Lipat ke chirago se woh so gaye

Jo phoolon par karvat badalte rahe.

Urdu Ghazal, Urdu Best Poetry, Urdu Poetry, Romantic Poetry, Romantic Urdu Poetry,

Mujhse milne ke wo karti thi bahaane kitne

Ab guzarege mere saath zamaane kitne

Main gira tha to bahut log ruke the lekin

Sochta hu mujhe aaye the uthaane kitne

Jis tarah maine tujhe apna bana rakha hai

Sochte honge yahi baat na jaane kitne

Tum naya zaKhm lagao tumhe isse kya hai

Bharane waale hai abhi zaKhm purane kitne.

Best Heart touching Poetry, Heart Touching Poetry, Heart Touching Ghazal,

Mohabbat karke yeh dhoka bhi mujhe khana tha

Karke Wafa bhi bewafayi ka ilzam mujhe utthana tha

Hamesha raha main jiske Pyaar ki panahon mein

Aaj uski baahon mein kisi aur ka thikana tha

Zara si baat par hui thi woh khafa mujhse

Kyunki aaj usne mere Pyar ko aazmana tha

Jab kuch na kaha usne to chup raha main bhi

Mujhe bhi thi bahut jaldi usse bhi Ghar ko jaana tha

Mohabbat ka haseen Rishta itne araam se toota

Hui ghalti mujhse Dil mein kisi ko nahi basana tha.

Urdu Poetry, Urdu Ghazal, Urdu Best Poetry, Sad Urdu Poetry,

Meri dastan hasrat wo suna suna kar roye

Mere azmane wale mujhe azma kar roye

Koi aisa ahal-e-dil ho k fasana mohabbat

Main usse suna kar roun wo mujhe suna kar roye

Mere pass se guzar gaya mera haal taak na poocha

Main yeh kaise maan jaun ke wo door jaa kar roye

Teri bewafaiyon par teri kujarayion par

Kabhi sir jhuka kar kabhi muh chhupakar roye

Meri aarzoo ki duniya dil-e-natawan ki hasrat

Jise kho kar shadman the usse aaj paakar roye

Jo sunayi anjuman mein shabe-e-gum ki aap beeti

Kai ro kar muskuraye kayi muskura kar roye.

Urdu Best Poetry, Urdu Ghazal, Urdu Poetry,

Meri barbadi ki daastan sunane se pehle

Mujhe itna bata jaate chhod jaane se pehle

Agar koi shikwa tumne mujhse kiya hota

Main tumko mana leta rooth jaane se pehle

Tum khush naseeb ho humne chaha hai tumhain

Warna bahut the humko chahne wale tumse pehle

Kya maloom tha itna tarpayegi judai teri

Dekho tum laut aana yeh jaan jaane se pehle.

Urdu Best Poetry, Urdu Ghazal, Urdu Poetry, Best Heart touching Poetry, Heart Touching Ghazal,

Mere Sabar Ka Na Le Imtihaan Meri Khamoshi Ko Saja Na De

Jo Tere Baghair Na Jee Sake Use Jeene Ki To Dua Na De

Tu Azeez Dil-o-nazar Se Hai Tu Qareeb Rag-o-jaan Se Hai

Mere Jism-o-jaan Ka Yeh Faasla Kaheen Waqt Aur Badha Na De

Tujhe Bhool Ke Na Bhula Sakoon Tujhe Chah Ke Bhi Na Paa Sakoon

Meri Hasraton Ko Shumaar Kar Meri Chahaton Ka Sila Na De

Wo Tarap Jo Shola-e-jaan Mein Thi Mere Tan Badan Se Lipat Gayi

Jo Bujha Sake To Bujha Ise Na Bujha Sake To Hawaa Na De

Tujhe aGar Mile Kabhi Fursatain Meri Shaam Phir Se Sanwaar De

AGar Qatal Karna Hai To Qatal Kar Yoon Judaiyo Ki Sazaa Na De.

Heart Touching Poetry, Heart Touching Love Poetry, Heart Touching Ghazal,

Mil hi jayega kabhi dil ko yaqeen rehta hai

Wo isi shehar ki galiyo mein kahi rehta hai

Jiski saanso se mehakte the daar-o-baam tere

Aey makaan bole kaha ab woh makeen rehta hai

Ek zamana tha k sub ek jagah rehte the

Aur ab koi kahi aur koi kahi rehta hai

Roz milne par bhi lagta tha k jug beet gaye

Ishq mein waqt ka ehsaas nahi rehta hai

Dil farsooda to hua dekh k usko lekin

Umer bhar koun jawan koun haseen rehta hai.