Aaj ek aur baras beet gaya us kay baghair
jis kay hotay hue hotay thay zamanay meray
Kaash tu bhi meri awaaz kahin sunta ho
Phir pukara hai tujhay dil ki sada nay meray
Kaash tu bhi kabhi aa jaaye masihayee ko
log aatey hain buhat dil ko dukhanay meray
Kaash auron ki tarah mein bhi kabhi keh sakta
baat sun lee hai meri aaj khuda nay meray
Tu hai kis haal main aye zood-e-faraamosh meray
Mujh ko to chheen liya ehd-e-wafa nay mere
Charagar yun to bahut hain magar aye jaan-e-Faraaz
Juz tere aur koi zakhm na jaane meray.
No comments:
Post a Comment