Hijer mein khoob rulatay ho kahan hotay ho
Lout ker kion nahin aatay ho kahan hotay ho
Mujh se bichray ho tu mehboob e nazer ho kis k
Aaj kal kis ko manaatay ho kahan hotay ho
Shab ki tanhai mein akser yeh khayal ata hay
Apne dukh kis ko sunatay ho kahan hotay ho
Sard raaton mein tumhain kaise bhula sakta hon
Aag si dil mein lagate ho kahan hote ho
Ab tou sab dost bhi mujh se poochtay hain
Bohat kam nazar aatay ho kahaan hotay ho.
No comments:
Post a Comment