Mira junoon-e-vafaa hai zavaal aamaadah
shikast ho gayaa tera fasoon-e-zebaai
un aarzooN pe chhai hai gard-e-maayoosi
jinhoN ne tere tabassum meiN parvarish paai
fareb-e-shauq ke raNgeeN talism TuuT gaye
haqeeqatoN ne havaadis se phir jalaa paayi
sukoon-o-Khwaab ke parde sarakte jaate haiN
damaaGh-o-dil meiN hai vahshat ki kaar-farmaai
vo taare jin meiN muhabbat ka noor taabaaN thaa
vo taare Doob gaye le ke raNg-o-raa’naai
sulaa gayii thiiN jinheiN teri multafat nazreiN
vo dard jaag uThe phir se le kar aNgRaai
ajeeb aalam-e-afsurdagi hai roo ba-faroGh
na ab nazar ko taqaazaa na dil tamannaai
tiri nazar, tire gesu, tiri jabeeN, tire lab
mirii udaas tabee’yat hai sab se uktaai
maiN zindagii ke haqaa’iq se bhaag aaya thaa
k mujh ko Khud meiN chhupaa le tiri fusooN-zaai
magar yahaaN bhi ta’aqub kiyaa haqaa’iq ne
yahaaN bhi mil na saki jannat-e-shakeb’aai
har ek haath meiN le kar hazaar aa’eene
hayaat baNd dareechoN se bhi guzar aayi
mire har ik taraf se ek shor gooNjaa hai
aur us meiN Doob gayi ishratoN ki shahnaai
kahaaN talak koi zindah haqeeqatoN se bache
kahaaN talak kare chhup chhup ke naGhma pairaai
voh dekh saamne ke pur-shikvaa aivaaN se
kisii kiraaye ki laRki ki cheeKh Takraai
voh phir samaaj ne do pyaar karne vaaloNko
sazaa ke taur pe baKhshi taveel tanhaai
phir ek teerah-o-taareek jhoNpaRii ke tale
sisakte bachche pe bevaah kii aaNkh bhar aai
voh phir bikii kisii majboor kii javaaN beTi
voh phir jhukaa kisii dar pe Gharoor-e-barnaai
voh phir kisaanoN ke majmooa’ pe gun-mashiinoN se
haqooq yaaftaa tabqe ne aag barsaai
sakoot-e-halqa-e-zindaaN se ek goooNj uThi
aur us ke saath mire saathiyoN kii yaad aayi
nahiN nahiN mujhe youN multafat nazarse na dekh
nahiN nahiiN mujhe ab taab-e-naGhmaa pairaai
miraa junoon-e-vafaa hai zavaal aamaadah
shikast ho gayaa teraa fasoon-e-zebaai.
shikast ho gayaa tera fasoon-e-zebaai
un aarzooN pe chhai hai gard-e-maayoosi
jinhoN ne tere tabassum meiN parvarish paai
fareb-e-shauq ke raNgeeN talism TuuT gaye
haqeeqatoN ne havaadis se phir jalaa paayi
sukoon-o-Khwaab ke parde sarakte jaate haiN
damaaGh-o-dil meiN hai vahshat ki kaar-farmaai
vo taare jin meiN muhabbat ka noor taabaaN thaa
vo taare Doob gaye le ke raNg-o-raa’naai
sulaa gayii thiiN jinheiN teri multafat nazreiN
vo dard jaag uThe phir se le kar aNgRaai
ajeeb aalam-e-afsurdagi hai roo ba-faroGh
na ab nazar ko taqaazaa na dil tamannaai
tiri nazar, tire gesu, tiri jabeeN, tire lab
mirii udaas tabee’yat hai sab se uktaai
maiN zindagii ke haqaa’iq se bhaag aaya thaa
k mujh ko Khud meiN chhupaa le tiri fusooN-zaai
magar yahaaN bhi ta’aqub kiyaa haqaa’iq ne
yahaaN bhi mil na saki jannat-e-shakeb’aai
har ek haath meiN le kar hazaar aa’eene
hayaat baNd dareechoN se bhi guzar aayi
mire har ik taraf se ek shor gooNjaa hai
aur us meiN Doob gayi ishratoN ki shahnaai
kahaaN talak koi zindah haqeeqatoN se bache
kahaaN talak kare chhup chhup ke naGhma pairaai
voh dekh saamne ke pur-shikvaa aivaaN se
kisii kiraaye ki laRki ki cheeKh Takraai
voh phir samaaj ne do pyaar karne vaaloNko
sazaa ke taur pe baKhshi taveel tanhaai
phir ek teerah-o-taareek jhoNpaRii ke tale
sisakte bachche pe bevaah kii aaNkh bhar aai
voh phir bikii kisii majboor kii javaaN beTi
voh phir jhukaa kisii dar pe Gharoor-e-barnaai
voh phir kisaanoN ke majmooa’ pe gun-mashiinoN se
haqooq yaaftaa tabqe ne aag barsaai
sakoot-e-halqa-e-zindaaN se ek goooNj uThi
aur us ke saath mire saathiyoN kii yaad aayi
nahiN nahiN mujhe youN multafat nazarse na dekh
nahiN nahiiN mujhe ab taab-e-naGhmaa pairaai
miraa junoon-e-vafaa hai zavaal aamaadah
shikast ho gayaa teraa fasoon-e-zebaai.
No comments:
Post a Comment