Wo bhii kyaa log the aasaan thii raahe.n jin ki, Heart Touching Ghazal, Heart Touching Poetry, Urdu Best Poetry, Urdu Ghazal, Urdu Poetry,

Wo bhii kyaa log the aasaan thii raahe.n jin kii
Band aa.Nkhe.n kiye ik simt chale jaate the
Aql-o-dil Khvaab-o-haqiiqat kii na uljhan na Khalish
MuKhtalif jalve nigaaho.n ko na bahalaate the

Ishq saadaa bhii thaa beKhud bhii junuu.N_peshaa bhii
Husn ko apanii adaao.n pe hijaab aataa thaa
Phuul khilate the to phuulo.n me.n nashaa hotaa thaa
Raat Dhalatii thii to shiisho.n pe shabaab aataa thaa

Chaandanii kaif_asar ruuh_afzaa hotii thii
Abr aataa thaa to bad_mast bhii ho jaate the
Din me.n shorish bhii huaa karatii thii hangaame bhii
Raat kii god me.n muu.Nh Dhaa.Np ke so jaate the.