Her shay ka soda hota hai, Urdu Ghazal, Urdu Heart Touching Ghazal, Latest Ghazal, Urdu Poetry,


Her shay ka soda hota hai
Her cheez bikao hoti hai
Her fard yahan per taajir hai
Her waqt tijaarat hoti hai
Tum aap he apnay daam kaho
Chup kr nahi sar-e-aam kaho
Kiya lo gay apni yaari ka
Kiya lo gay tum dildaari ka
Gham-khwaar bano gay kitnay main
Tum pyaar karo gay kitnay main
Sub jazbay meray naam karo
Hum naam tum apna daam kaho
Per daam chukanay ki khaatir
Hum apna daftar kholein to
Hum apni jaib tatolein to
Bus pyaar milay ga thora sa
Azaar milay ga thora sa
Ye sikkay yahan kab chaltay hen
Kiya udhaar milay ga thora sa
Ye dunya be-atebaari ki
Ye arz hai her beopaari ki
Chal chor tamana jazbon ki
Bus soday he dekh ayen hum
Hum khaali hath he aye thay
Chal khaali hath he jayen hum.

No comments:

Post a Comment

Related Posts Plugin for WordPress, Blogger...