Buhat Chaha Jahan Mein Shaad Hona

Buhat Chaha Jahan Mein Shaad Hona
Muqaddar Mein Na Tha Aabaad Hona

Qafas Ko Hm Chaman Hi Maan Laen Gay
Khush Aaey Gr Tujhay Sayyaad Hona

Usay Hai Ronaq-E-Dunya Say Nisbat
So Ab Kis Kay Liay Barbaad Hona

Yeh Dil Hai Said-E-Yaad-E-Yaar Aisa
Na Chahay Ga Kabhi Aazaad Hona

Kabhi Dekhay Woh Apnay Qasr-E-Dil Say
Kisi Ka Khanaman Barbaad Hona

Buhat Hai,Zindagi Kay Rastay Pr
Hamein Ik Doosray Ki Yaad Hona.