Hazaroon Dukh Parein Sehna Mohabbat Mar Nahi Sakti, Urdu Best Poetry, Urdu Ghazal, Urdu Poetry, Heart Touching Ghazal, Heart Touching Poetry, Sad Love Poetry, Romantic Poetry,

Hazaroon Dukh Parein Sehna Mohabbat Mar Nahi Sakti
Hai Tum Se Bas Yehi Kehna Mohabbat Mar Nahi Sakti
Tera Har Baar Mere Khat Ko Parhna Or Ro Dena
Mera Har Baar Likh Dena Mohabbat Mar Nahi Sakti
Kia Tha Hum Ne Kempas Ki Nadi Pe Ikk Haseen Wada
Bhley Hum Ko Parey Marna Mohabbat Mar Nahi Sakti
Jahan Main Jab Talak Panchi Chehaktey Urtey Phirtey Hain
Hai Jab Tak Phool Ka Khilna Mohabbat Mar Nahi Sakti
Puraney Ahad Ko Jab Zinda Karne Ka Khyaal Aaye
Mujhy Bas Itna Likh Dena Mohabbat Mar Nahi Sakti
Woh Tera Hajar Ki Shab Phone Rakhne Se Zara Pehley
Buhat Rotey Hooye Kehna Mohabbat Mar Nahi Sakti
Agar Hum Hasrtoon Ki Qabar Main Hi Dafan Ho Jaeen
Tu Yeh Katboon Pe Likh Dena Mohabbat Mar Nahi Sakti
Pooraney Rabtoon Ko Phir Se Naye Wade Ki Khwahish Hai
Zara Ikk Baar Tu Kehna Mohabbat Mar Nahi Sakti
Gay Lamhaat Fursat Ke Kahan Se Doond Ker Laoon
Woh Pehroon Haath Per Likhna Mohabbat Mar Nahi Sakti.